ရှမ်းပြည်နယ်၊ နမ့်ခမ်းမြို့၊ ဟိုကတ်ရပ်ကွက်ရှိ ညစျေးတန်းနှင့်ကျားဖြူခန်းမ နေရာ တို့၌ပေါင် (၅၀၀)ဗုံးဖြင့် (၂)ကြိမ်တိုင် ဗုံးကြဲပြီး တိုက်ခိုက်ခဲ့ခြင်းကြောင့် ကလေးနှင့် ကိုယ်ဝန်ဆောင်မိခင်အပါအဝင် (၁၁)ဦး သေဆုံးခဲ့ပြီး (၁၂) ဦး ထိခိုက်ဒဏ်ရာရကာ ဆိုင်ခန်းအပါအဝင် နေအိမ်(၁၀)လုံး အထက်ထိခိုက် ပျက်စီးခဲ့သည်။
နောင်ချိုမြို့နယ်၊ရွှေမုဌောရွာကိုလည်း နံနက်စောစောစီးစီး ( ၁၂ )နာရီ ခွဲဝန်းကျင်တွင် လေယာဉ် (၃) စီးဖြင့်(၂)ကြိမ်၊ ဗုံး(၂၅)လုံး ကြဲချခဲ့မှုကြောင့် ကလေးငယ် (၁)ဦး သေဆုံးခဲ့ရပါသည်။
ချင်းပြည်နယ်၊ မင်းတပ်မြို့နယ်၊ တိုက်နယ်(၄)ရှိ ကျေးရွာတရွာကိုလည်း ယနေ့ နံနက် (၂) နာရီ (၄၀) မိနစ်တွင်တိုက်လေယာဉ် ဖြင့် အကြောင်းမဲ့ ဗုံးကြဲ တိုက်ခိုက်ခဲ့သည်။
မကွေးတိုင်း၊ မြိုင်မြို့နယ်၊ လက်ယက်မကျေးရွာ စာသင်ကျောင်းကို နေ့လယ်(၁)နာရီခွဲဝန်းကျင် တွင် လေကြောင်းမှ ပေါင်(၂၀၀)ဗုံးဖြင့် (၂)ကြိမ်တိုင်တိုင် လာရောက်ဗုံးကြဲ ချတိုက်ခိုက်သောကြောင့်
(၁၀)နှစ်အရွယ် ကလေးငယ် (၁) ဦး အပါအဝင်ပြည်သူ (၅)ဦး နေရာတွင် သေဆုံးခဲ့ပြီး (၄)ဦးဒဏ်ရာရရှိခဲ့သည်။ ၎င်းဒဏ်ရာရလူနာများမှ ဆေးကုသမှုခံယူနေစဉ်အတွင်း (၁)ဦး ထပ်မံသေဆုံးခဲ့သည်။
ဖယ်ခုံမြို့နယ်၊ လအိကျေးရွာ၊ ဘန်ကောက်စစ်ဘေးရှောင်စခန်းကို တိုက်လေယာဉ် (၂) စီးဖြင့်
(၃)ကြိမ် ဗုံးကျည်တွေချ၍ ဗုံးကြဲ တိုက်ခိုက်ခဲ့မှုကြောင့် ကလေး (၇) ဦး အပါအဝင် စုစုပေါင်း အရပ်သားပြည်သူ (၂) ဦး – စုစုပေါင်း(၉)ဦး သေဆုံးခဲ့ပါသည်။
