ဘေးအန္တရာယ် ကျရောက်ပြီးနောက် ဝမ်းပျက်ဝမ်းလျှောရောဂါ ကာကွယ်ခြင်း (ဧပြီလ၊ ၂၀၂၅ ခုနှစ်)
သင်နှင့် သင့်မိသားစုကို ကာကွယ်ပါ
သန့်ရှင်းဘေးကင်းသော ရေကို သောက်ပါ။ သုံးစွဲပါ။ မကြာခဏ လက်ဆေးပါ။ မည်သည့်ရေထဲတွင်မျှ အပေါ့အလေး မသွားရ။ သန့်ရှင်းဘေးကင်းသော အစားအစာကို စားပါ။ ပြုတ်ပါ၊ ချက်ပါ၊ အခွံခွာပါ သို့မဟုတ် စွန့်ပစ်ပါ။ သန့်ရှင်းစွာ ထားရှိပါ ရေသေ သို့မဟုတ် မစီးဆင်းသည့် ရေအိုင်ရှိရာ နေရာများကို ရှောင်ကြဉ်ပါ။
သန့်ရှင်းဘေးကင်းသော ရေကို သောက်ပါ။ သုံးစွဲပါ။ သောက်သုံးရန်၊ အစားအစာ ဆေးကြောပြင်ဆင်ချက်ပြုတ်ရန်၊ ရေခဲပြုလုပ်ရန်နှင့် သွားတိုက်ရန် ဗူးထဲမှ ရေသန့်ကို အသုံးပြုပါ။ ရေသန့်မရှိပါက စိတ်ချရစေရန် ရေကို ကျိုချက်ပါ သို့မဟုတ် ပိုးသတ်သန့်စင်ပါ။
ရေကို သန့်ရှင်းဘေးကင်းအောင် မည်သို့လုပ်ဆောင်မည်နည်း။ ရေကို ကျိုချက်မည်ဆိုပါက အနည်းဆုံး (၁) မိနစ်ကြာ ပွက်ပွက်ဆူအောင်ထား၍ ကျိုချက်ပါ။ ရေကို သန့်စင်စေရန် အနံ့မရှိသည့် အိမ်သုံး ကလိုရင်းအရည်ကို အသုံးပြုပါ။ ကြည်လင်သော ရေဖြစ်ပါက ရေတစ်ဂါလံလျှင် ကလိုရင်း (၈) စက် ထည့်ပါ။ ရေနောက်နေပါက ရေတစ်ဂါလံလျှင် ကလိုရင်း (၁၆) စက် ထည့်ပါ။ နာရီဝက်စောင့်ပြီးမှ သောက်သုံးပါ။ ဆပ်ပြာနှင့် ဘေးကင်းသော ရေတို့ဖြင့် မကြာခဏ လက်ဆေးပါ။ အစာမစားမီ သို့မဟုတ် အစားအစာ ပြင်ဆင်ချက်ပြုတ်ခြင်း မပြုမီ ကလေးများကို အစာမကျွေးမီ ထိခိုက်ဒဏ်ရာများ ကုသမှု မပေးခင်နှင့် ပေးပြီးချိန် သို့မဟုတ် လူနာပြုစုစောင့်ရှောက်မှု မပေးခင်နှင့် ပေးပြီးချိန် အိမ်သာ အသုံးပြုပြီးချိန်၊ ကလေးအနှီး သို့မဟုတ် diaper လဲပြီးချိန် သို့မဟုတ် ကလေး အိမ်သာသွားပြီးနောက် သန့်ရှင်းရေးလုပ်ပြီးချိန် ဆပ်ပြာ မရှိပါက အရက် (၆၀) ရာခိုင်နှုန်း အနည်းဆုံးပါဝင်သည့် လက်သန့်စင်ဆေးရည်ကို သုံး၍ လက်ဆေးပါ။ သန့်ရှင်းဘေးကင်းသော အစားအစာကို စားပါ။ ဆူပွက်အောင် ပြုတ်ပါ၊ ကျက်အောင် ချက်ပါ၊ အသီးအနှံများကို အခွံခွာပါ သို့မဟုတ် ရက်လွန်အစားအစာများ၊ ပုံပျက်ပြီး အနံ့၊ အရောင် ပုံမှန်မဟုတ်သော အစားအစာများကို စွန့်ပစ်ပါ။ အစားအစာကို စားသုံးရန်သင့်မသင့် မြည်းမကြည့်ဘဲ သံသယဝင်သည်နှင့် စွန့်ပစ်ပါ။ မလတ်ဆတ်သော၊ အအေးခန်းတွင် မထားရှိသော အသားနှင့် နို့ထွက်ပစ္စည်းများကို ရှောင်ကြဉ်ပါ။ အစားအစာကို ကျက်အောင် ချက်ပြုတ်ပါ။ ပူနွေးချိန် စားပါ။ အဖုံးအုပ်ထားပါ။ မိမိကိုယ်တိုင် အခွံနွှာထားသော အသီးအနှံ၊ ဟင်းသီးဟင်းရွက်များမှလွဲ၍ သားစိမ်းငါးစိမ်း စားခြင်း (အစိမ်းစားခြင်း) ရှောင်ကြဉ်ပါ။ သန့်ရှင်းစွာ ထားရှိပါ။ အစားအစာပြင်ဆင်ချက်ပြုတ်သည့် နေရာများနှင့် မီးဖိုချောင်သုံးပစ္စည်းများအား ဆပ်ပြာနှင့် ဘေးကင်းသော ရေတို့ကို အသုံးပြု၍ ဆေးကြောပါ။ ပြန်လည်အသုံးမပြုမီအချိန်ထိ ခြောက်သွေ့အောင် ထားပါ။ သောက်သုံးရေအရင်းအမြစ်မှ ပေ (၁၀၀) အကွာအဝေးတွင် ရေချိုး၊ အဝတ်လျှော်ပါ။ ရေသေ သို့မဟုတ် မစီးဆင်းသည့် ရေအိုင်ရှိရာ နေရာများကို ရှောင်ကြဉ်ပါ။ ညစ်ပတ်သော ရေနှင့် ထိတွေ့မိပါက ဆပ်ပြာနှင့်ရေကို အသုံးပြု၍ လက်ဆေးပါ။ ရေသေ သို့မဟုတ် မစီးဆင်းသည့် ရေအိုင်တွင် ကလေးများအား ဆော့ကစားခွင့် မပြုပါနှင့်။ ညစ်ပတ်သော ရေနှင့် ထိတွေ့ထားသည့် ကစားစရာအရုပ်များကို သန့်ရှင်းရေးမပြုလုပ်ရသေးခင် ကလေးများအား ဆော့ကစားခွင့် မပြုပါနှင့်။
သင်နှင့် သင့်မိသားစု ဝမ်းပျက်ဝမ်းလျှောရောဂါ ခံစားရပါက ဘာလုပ်မည်နည်း
သန့်ရှင်းဘေးကင်းသော ရေကို သောက်၍ ရေဓာတ် ဖြည့်တင်းပါ။ နီးစပ်ရာ ဆေးခန်းသို့ သွားပြပါ။ အိမ်တွင် ရှိနေစဥ်နှင့် ကုသမှုခံယူရန် ဆေးခန်းသို့ သွားနေစဉ်တွင်လည်း ရေဓာတ် ဆက်လက်ဖြည့်တင်းပါ။ မိမိကလေး ဝမ်းပျက်ဝမ်းလျှောရောဂါ ခံစားရပါက ကုသမှုခံယူရန် ဆေးခန်းသို့ သွားနေချိန်ဖြစ်စေကာမူ မိခင်နို့ကို ဆက်လက်တိုက်ကျွေးပါ။ကျန်းမာရေးဝန်ကြီးဌာန၊ အမျိုးသားညီညွတ်ရေးအစိုးရ
